Fin de semana movidiña para a nosa asociación.
Comezamos mañá venres coa festa de Fin de Curso das escolas da nosa asociación, a partir das 18:30 h. no noso local. Estades todos convidados a vir a facer festa e pasar un bo rato con nós.
O sábado, as nosas pandereteiras e os nosos pandereteiros andarán por Teo, máis concretamente na parroquia de Luou, trouleando no serán que organiza a asociación A Mámoa a partir das 22 h.
O domingo tócalle o turno á nosa charanga que participará nos concertos do festival de fin de curso da asociación Sacapunto de Mondariz, ás 20 h. na praza de Mondariz.
Esperamos vervos a todos por algunha destas festas!! ARRIBA TRASPÉS!!!
