Ola amigos, é para nós un pracer e un honor informarvos da nosa participación representando a Galicia na 43ª edición do Festival Intercéltique de Lorient.
Tendo en conta que somos un grupo que aínda non chegamos aos catro anos de vida, comprácenos saber que festivais tan importantes coma este nos teñen en conta para representar á cultura galega fora das nosas fronteiras.
Este ano o festival estará adicado a nosa comunidade veciña, Asturias, e contará con grandes artistas de nome internacional.
Estaremos na Bretaña francesa dende o día 2 ata o 11 de agosto interpretando os bailes e as músicas da nosa querida terra, Galicia.
Podedes ver toda a programación do festival na súa páxina web www.festival-interceltique.com
Moitas grazas a todos por confiar neste proxecto chamado Traspés, sobre todo á organización do festival.
